Иван Иннокентьевич - Танаринскай төрөөбүтэ 75 сылыгар аналлаах республиканскай НПК буолан ааста. Бу тэрээһиҥҥэ кэргэнэ Зоя Егоровна, уола Айаал Иванович уонна аймахтара ыалдьыттаатылар.

Иван Егоров - суруйааччы, суруналыыс, өр сылларга "Эдэр коммунист" хаһыакка, "Хотугу Сулус" кэлин "Чолбон" сурунаалларга үлэлээбитэ. Кинини кытта бииргэ алтыспыт, үлэлээбит дьон Н.Е. Винокуров - Урсун "Чолбон" главнай редактора, литературнай критик уонна Н.А. Лугинов - народнай суруйааччы кэлэн конференцияны киэргэттилэр, үрдүк таһмҥа таһаардылар. 

     Олохтоох нэһилиэк дьаһалтатын иннигэр Н.Егоровка бюст туруордулар. 

    Барыта 13 оскуола оҕото кыттыыны ылла. Бүлүү улууһуттан 4 оскуола ( Бүлүү гимназията, Лөкөчөөҥ, Дьөккөн, Бороҕон оскуолалара). Хаҥалас улууһуттан 1 оскуола уонна 9 Кэбээйи улууһун оскуолалара. 

     Саама элбэх үлэ уруһуй күрэҕэр киирдэ. Биһиги оскуолаттан алын сүһүөх - 17 үлэ, орто сүһүөх - 14 үлэ кыттан, Ф. Уруйдаана (5 кыл) - 3 миэстэ, Б. Илиана (2 кыл), С. Тома (6 кыл) - анал биһирэбили ыллылар.

     Уус- уран оҥоһук күрэҕэр 3 үлэ барбыта, К. Майя (11 кыл) - 3 миэстэ, 6 кылаас коллектива - 3 миэстэ.

     Дакылаат ааҕыы 4 секциянан ыытылынна, 4 оҕо кытынна:

Г. Эсланда (7 кыл) - 1 миэстэ, салайааччы Анисимова Матрена Егоровна

Я. Дьулустаан (9 кыл) - 2 миэстэ, салайааччы Яковлева Айталина Ивановна

А. Сардаана (5 кыл) - 3 миэстэ, салайааччы Анисимова Матрена Егоровна

Е. Вика (8 кыл) - анал биһирэбил, салайааччы Кононова Дария Николаевна.

   Хоһоон түһүлгэтигэр алын сүһүөх -5 оҕо кытынна. М. Юлиана - 2 миэстэ, орто сүһүөх - 23 оҕо кытынна, 6 кылаас коллектива - 3 миэстэ ылла. 

   Учууталлар секцияларыгар Архипова Степанида Январьевна 3 миэстэ буолла.

Икки күннээх тэрээһиҥҥэ икки испиктээкил көрдүбүт. 

Ахтыы киэһэтигэр И.Егоров үлэ дьонун туһунан суруйбут очеркаларын геройдарын кытта көрүстүбүт.

Икки күннээх тэрээһиҥҥэ көхтөөхтүк кыттыбыт оҕолорго, ылсыһан үлэлээбит учууталларга барҕа махталбын тиэрдэбин.

саха тылын уонна литературатын учуутала Анисимова Матрена Егоровна